ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានបញ្ជាក់ជាថ្មីថាគ្មានការលក់សំបុត្រដើម្បីអាចចូលមើលស៊ីហ្គេមនោះទេ តែសំបុត្រឥតគិតថ្លៃត្រូវតែមាន ព្រោះដើម្បីសម្រួលការលំបាកអ្នកចូលទស្សនា បញ្ជៀសការប្រជៀតគ្នា និងស្ថានភាពគ្រោះថ្នាក់ផ្សេងៗ។

ថ្លែងក្នុងពិធីជួបជុំពិសារអាហារជាមួយកីឡាករ និងកីឡាការិនី នៅល្ងាចថ្ងៃទី៣ ខែមេសា ឆ្នាំ២០២៣នេះ សម្ដេចតេជោ ហ៊ុន សែន បានលើកឡើងថាសាលសម្រាប់មើលមានទំហំធំហើយការចូលដោយគ្មានសំបុត្រនឹងអាចធ្វើឱ្យមានការប្រជៀតគ្នា ប្រជែងគ្នាយកកៅអីដែលអាចឈានដល់មានគ្រោះថ្នាក់ផ្សេងៗ។

សម្ដេចថា៖ «ឈានដល់ថ្នាក់ដណ្ដើមកៅអីគ្នាអង្គុយវាមិនល្អទេ»។

ជាមួយគ្នានេះសម្ដេចតេជោក៏បញ្ជាក់ផងដែរថាការលក់សិទ្ធិផ្សាយផ្ទាល់ផងដែរ ព្រោះថាពេលនេះកម្ពុជាត្រូវការឱ្យពិភពលោកស្គាល់ប្រទេសនេះ។

សម្ដេចថា៖ «តម្រូវការចាំបាច់របស់យើងនាពេលនេះគឺមិនមែនលក់សំបុត្រឬសិទ្ធផ្សាយទេគឺតម្រូវការឱ្យពិភពលោកស្គាល់ពីកម្ពុជាតែម្ដង»៕